ikustrasi
GENI PANGREKSA JIWA
Dening: Zuly Kristanto
Ing kene isih
dakrantu tekamu
Supaya welas lan
asihmu
Bisa dakgawe nguripi
sumbu
Tresna lan
kekarepanku
Kang nate kepaten angin wektu
Muga wae isih ana
lenga kang kasisa
Supaya geni pangreksa
jiwa
Bisa dadi srana
kanggo gumregah
Ngupayakake ati bisa
ngrasakake bungah
Ing satengahe jagad
kang tansaya bubrah
Yen sliramu sida teka
Daksuwun sliramu aja
bali lunga
Jalaran tanpa anane asmamu
ing dhadha
Uripku ing donya iki rinasa sepa
Lan iki mujudake panyiksa kang nyata
Tulungagung, 07/12/2024
