Pawiyatan – Akademisi Universitas Dharma AUB Surakarta
(UNDHA AUB) sarta Pembina Yayasan Penanggulangan Bahaya Narkoba Nasional
(YPBNN), Galih Wisnu Wardhana, S.E., M.M., ngandharake, YPBNN ( Yayasan Penanggulangan Bahaya Narkoba
Nasional ) diajab ora mung nguwatake upaya pencegahan kang uwis ditindakake
dening Badan Narkotika Nasional (BNN) lan lembaga liyane, nanging uga dadi
garda ngarep ana ing babagan edukasi marang masyarakat, mligine tumrap para generasi
muda.
Miturut Galih, pencegahan paparan narkoba kudu ditindakake
massif liwat edukasi kanggo bocah sekolah wiwit cilik ana ing ndonya pasinaon.
Kajaba katresnan lan panggulawenthah ana ing kulawarga, pawiyatan
uga dadi papan kapindho kanggo mbangun benteng pertahanan diri tumrap ancaman
narkotika.
“Pendhidhikan ora mung ngajarake disiplin lan ngasah
kapinteran, nanging uga mbangun mental lan nalar para siswa supaya kuwat
ngadhepi tantangan urip, kalebu bebaya narkoba,” Pratelane
Di terangake, anggone para akademisi UNDHA AUB Surakarta lan
akademisi liyane menehi panyengkuyung ana ing YPBNN, jalaran minangka wujud
nyata ngleksanakake Tri Dharma Perguruan Tinggi, mligine ana ing babagan
pengabdian masyarakat.
Semangat kolaborasi kasebut tumuju kanggo mbangun sumber
daya manungsa sing pinunjul, martabat, serta bebas saka narkoba.
Galih nandhesake, paparan narkoba ora mung ngrusak mental lan
masa depan para mudha, nanging uga dadi ancaman masa depan bangsa.
Mula saka iku pencegahan ora bisa mung dipasrahake marang
lembaga pamarentah, nanging kudu dadi tanggung jawab bebarengan antarane
kulawarga, sekolah, kampus, lan kabeh unsur masyarakat.
Sawetara langkah strategis sing diusulake yaiki nyisipake
materi bebaya narkoba ana ing kurikulum pendhidhikan.
Menehi piwulangan babagan hukum serta dampak sosial
narkotika. Mbentuk Duta Anti Narkoba minangka pelopor kampanye urip sehat ana ing
sekolah lan kampus, serta nguwatake pengawasan lingkungan kanthi sinergi
antarane guru, wong tuwa, lan lembaga anti narkoba.
Akademisi minangka agen peribahan nduweni tanggung jawab moral menehi literasi
urip sehat marang masyarakat, supaya tuwuh kesadaran kolektif ngenani babagan
bebaya narkoba.
Galih uga nyorot bebaya narkoba saka sudut pandang sejarah
lan ketahanan nasional.
Dheweke ngandharake manawa narkoba bisa dadi piranti kanggo
ngrusak sawijining bangsa tanpa kudu nggunakake perangkat militer.
Sejarah nyathet negara Tiongkok nate kedadeyan mundur nalika
yutanan rakyat lan prajurité demen candu, saengga ndhadekake ekonomi ambruk,
moral masyarakat rusak, lan kekuwatan pertahanan negara ringkih.
Mula saka sujarah kasebut bisa di jupuk minangka kanggo
piwulang, generasi muda Indonesia kudu nduweni ketahanan karakter supaya ora
gampang kapapar narkoba./ Red
