20 Ormas Nyawiji Maneh Ana ing Formas Kanggo Ngawal Program Strategis Pemerintahane Presiden Prabowo

Rena- Rena -Gunggung cacah 20 Organisasi Masyarakat (Ormas) di kukuhake dening pangarsa Dewan Pembina Forum Masyarakat Indonesia Emas (FORMAS), Hashim Djojohadikusumo ana ing Aula Universitas Podomoro, Jakarta (7/8) Jemuah wengi.

Pengukuhan di leksanake kanggo nguwatake peran sarta masyarakat sipil anggone ngawal program pemerintah mujudake cita cita Indonesia Emas, sesarengan mengeti HUT kaping-2 FORMAS.

Di ajab kanthi tambahe anggota anyar kasebut, gunggunge ormas kang uwis gabung ana ing FORMAS gunggung cacahe saiki  ana 103 organisasi, kalebu Ikatan Persaudaraan Haji Indonesia (IPHI).

Hashim nerangake, FORMAS nduweni cita cita kaya dene para pendiri bangsa kanggo nyiptakake kesejahteraan rakyat lan njaga keberlangsunganing Indonesia.

"Iku uga sing wis sumundhul ing jiwane Prabowo supaya rakyat sejahtera lan Indonesia abadi. Piyambake keraos sedhih mirsani ana rakyat sing durung Sejahtera. Mula saka iku, program MBG lair saka keprihatinan supaya rakyate padha sehat," pratelane

Ketua Dewan Pakar FORMAS, Serian Wijatno, ngandhakake,  konsolidasi kasebut dadi langkah nyata anggone nguwatake peran ormas nyengkuyung lan ngawal program pembangunan pemerintah.

Mula saka iku, ujare maneh, ormas sing nyawiji ana ing FORMAS ora kena mung dadi penonton pembangunan nasional, nanging kudu aktif njaga persatuan lan menehi pamikir sing konstruktif.

Ketua Umum FORMAS, Yohanes Handojo Budhisedjati nambahi katerangan Dewan Pakar,  tambahe anggota anyar kasebut tansaya nambah semangat perjuangan anggone ngawal kabijakan lan program strategis pemerintah amrih bisa ngewahi lan ningkatake kesejahteraan masyarakat./ Red